Silenced Voices: How Politics Chokes Ethiopian Media?

ተሸለሙ የተባሉት ሚዲያዎች ከሚሰሯቸው ዜናዎች እና ፕሮግራሞች የህዝብ ድምፅ የሌላቸው፣ ሳቢነት፣ ማራኪነት፣ ችግር ፈችነት፣ የሁሉንም ድምፅ ማሰማት የጎደላቸው ናቸው፡፡ በፍጥነትና በጥራት ተዘጋጅተው የሚቀርቡ አይደሉም። ሳቢነት ይጎድላቸዋል። ጥልቀት ያንሳቸዋል። ዜናዎቹ ተከታታይነት የላቸውም። በዳራ የበለፀጉም አይደሉም። ተሸላሚ ተቋማት የሚያቀርቧቸው ዜና ሀተታ፣ ፊቸርና ዜና ትንታኔዎች በጅምር ያሉና ሙያው በሚፈልገው መጠን ያልበሰሉ ናቸው። እያዋዙ የሚያስተምሩ ፣ ዝርዘር መረጃ የማይሰጡ ፣ የማያሳውቁና የማያዝናኑ ናቸው።
እንደአንድ የሚዲያ መምህር ዘርፈ ብዙ ጥቃት በተነጣጠረበት ሁኔታ ውስጥ ሁነን የመንግስትን ብረት ለበስ እጆች ፈርተን ዝም ማለት አንችልም፡፡ ሙያውን ቢያንስ ማራከሱ መቆም አለበት፡፡ እነዚህ ሁሉ ሚዲያዎች ለኢትዮጱያ ህዝብ ምኑ ናቸው? አንዳቸውም ለመሸለም ፣ የቀረቡት የሚዲያ መሪዎች መሪውን ስለሚፈርቱ እንጅ በስራቸው ኮርተው እንደማይሆን እርግጠኛ ሁኖ መናገር ይቻላል፡፡ እውነትን እየሸፈኑ ፤ ሐቅን እያዳፈኑ፣ ሙያዊ ክህደት እየፈፀሙ ራሱን ያመመውን እግርህን ነው ብለው እንደሚከራከሩ ያላዋቂ ባለሙያ መፍትሄ የጠፋቸው የፅህፈት ሚንስትሮች ተሸለምን ቢሉ ፣ የተሸለሙት ለህዝብ በሰጡት አገልግሎት ሳይሆን ለመንግስት አሸርጋጅነታቸው ብቻ እንደሆነ ሀቅ ነው፡፡
እስኪ የትኛውም ስራችሁም እንደማያሸልም የማህበራዊ ሚዲያ የአሰተያየት መስጫ ሳጥናችሁን ከፍታችሁ አንብቡ፡፡ እርግጠኛ መሆን የሚቻለው ከዚህ ሽልማት መንግስት የህዝብ የሆኑ ሚዲያዎችን ወደባላቤቱ መመለስ እንደማይፈልግ ነው፡፡ በዴሞክራሲ እጦት የታፈነን ፣ ሰበዓዊ መብቱ የተገፈፈን ፣ በኢኮኖሚ አዘቅት ውስጥ የወደቀን፣ በግጨት አፈሙዝ የተከፈተባት ሀገርን የመረጃ ስርዓት እየመሩል ፣ ሀሳብን እየሸመገሉ ሳይሆን እየሸነገሉ የሚጓዙ ሚዲያዎችን መሸለም ለመረጃ መዛባት ፣ ለመረጃ መሳሳት፣ ለመረጃ መበከል እውቅና እንደመስጠት ነው፤፤
የሀገራችን ሚዲያዎች የዜናዎችን አሠራር፣ አደረጃጀትና አቀራረብ በትንሹ እንኳን ብናይ ተሸላሚ ሚዲያዎቻችን በአሰልችነታቸው፣ የህዝብ ድምፅ የሌላቸው፣ ጥበብ እና የእውቀት መረጃ ቀረፃ የተሳናቸው ዜናዎቻ እና ፕሮግራሞች ምን ያሸልማል? የተለያዩ ድምፃችን የማንሰማበት ፣ ጉዳያችንን ቢቢሲ፣ አልጀዚራ እና ሲኤን ኤን እስኪዘግበው ምንጠብቅበት፣ የተቀራኖ ድምፆች የማይሰሙበት፣ የሀሳብ ልዩነት የማይሰተናገድበት አይደሉም እንዴ? የሰለቹ የዜና መዋዕል (የውሎ ዜና) ዘገባዎች እና የህዝብ ግንኙነት ስራ ባህሪ የተዋረሳቸው፣ ጋዜጠኞች ቢናገሩ የልብ አያደርሱም ተብለው መሪዎች ጋዜጠኛ የሆኑበት ፕሮግራም ብቻ ናቸው። ምን? የት? መቼ? እንዴት? እና ማን? የሚሉትን ጥያቄዎች በአግባቡ የማይመልሱ፣ አውዱን ፍራቻ፣ እውነትን ሽሽት፣ ከታመመው ይልቅ ለጤናማው መጨነቅ፣ ከጎደለበት ይልቅ ለሞላለት ማለቅለቅ አይደለም እንዴ ሰራችሁ?
እናንተ ሰትሸለሙ፣ መሪዎች በአፍሪካ ተሸለሙ እያለ የሚቀልድብንን የናይጀሪያ ጋዜጠኛ ነበር ያስታወስኩት፣ በዜና እና ፕሮግራሞቻችሁ አንድም የተቃርኖ ድምፆች የማንስማበት፣ ፍትሃዊነት፣ እና ሚዛናዊነት የነጠፈበት ዘገባ ካሸለመ እንኳንም እያፈረን ተሸለማችሁ።
የመንግስት አክቲቪስት ሲሸለም እኛም የሰበዓዊ መብት ተሟጋቾችን መሸለም ግዴታ ይሆንብናል፡፡ ምክንያቱም እንባችን የሚገዳቸው፣ ሞታችን የሚያማቸው የማህበረሰብ አንቂዎች፣ የእውት አርበኞች እስር ቤትም ሆነው የህዝብ ድምፅ ናቸው፡፡
እነዚህ ከአንድ ግለሰብ የማህበረሰብ አንቂ ታማኝነት ያነሰ አቅም ያላቸው ሚዲያዎች በሽዎች ሰራተኛ ይዘው፣ በሳንሱር ተሸብበው፣ እውቀታቸውን ለመጠቀም የታፈኑት በነዚህ ሸላሚዎች ነው፡፡ እንቁ ብቁዎች አፃፃፋቸው ውበትም፣ እውነትም ያጣው መንግስትን ስለሚፈሩ ነው። በግል አስተያየት የታጀቡና የፖለቲካ ጉንፋን ያጠቃቸውና ሳይንሳዊ እሳቤ የራቃቸው ሙያዊ አሰተያየት የተለያቸው ዘጋቢ ሚዲያዎች ናቸው።
የእነዚህ ችግሮች መነሻ ራሱ አፈናውን ያበረታው መንግስት ለነፃ ሚዲያ መስራት እና የዴሞክራሲ ተቋማት ግንባታ ባህሎ የሞተ በመሆኑ ነው። ጋዜጠኞችን ነፃ ቢያደርጋቸው በዜና አመራረጥ፣ አፃፃፍና አቀራረባችው ላይ መሠረታዊ ለውጥ ማምጣት ይችላሉ።
ለዚህ ሃሳብ ማሳደጊያ ያነጋገርኳቸው ጋዜጤኞች ‹‹መንግስትን በመፍራት የማይናገረውን የማያስጠይቀውን የልማት ስራ ብቻ የመዘገብ ተልዕኮ የወሰዱት መንግስት በመፍራት ነው፡፡›› ስለዚህ ‹‹የህዝብ ግንኙነት ዜና›› ዘጋቢ ሁነናል የሚለው የጠቅላይ ሚንስትሩ ተሸላሚ የሚዲያ ተቋም ጋዜጠኛ፣ በሚዲያ ኩረጃ ፣ ዜና ግልበጣ ውስጥ ወድቀናል በማለት እጁ እና ህሊናው እንደታሰረ ይናገራል።
አሁን የመንግስት ስብሰባ፣ የስልጠና፣ የወርክሾፕ ዜናዎች ላይ ነን የምትለው ዘጋቢ እንደ ወረደ ዜና መስራት የወቅቱ መሻሪያ መስመር ነው በማለት ታረጋግጣለች። በነዚህ ቦታዎች ላይ የምንሠራቸው ዜናዎች በአጀንዳው ላይ የተነሱ ቁልፍ ጉዳዮችና አከራካሪ ነጥቦች በመለየት ጉዳዩ የሚመለከታቸውን የስብሰባ ተሳታፊዎች /የስብጥሩን ሚዛናዊነት በመጠበቅ/ እዛው (on the spot) በዕረፍት ሰአት ልዩ (excultive) ቃለ መጠይቅ በመስራት ማቅረብ፤ /የዕለቱ ክብር እንግዳ የሚያስተላልፈው መልዕክት እንደ አስፈላጊነቱ መጠቀም/ እና ለትርጉም የሚጋለጡ ሀሳቦችን ዘግተናል በማለት ትናገራለች፡፡
የጋዜጣዊ መግለጫዎች ጋዜጠኛ ነኝ የሚለው ሌላ የተሸላሚ ሚዲያ ባለሙያ- ከጠቅላይ ሚኒስትሩ፣ ከአፈጉባኤ፣ ከፕሬዝዳንቱና በተለየ መልክ ከሚሰጡ ጋዜጣዊ መግለጫዎች ውጪ ያሉ ጋዜጣዊ መግለጫዎችን አንዘግብም፡፡ ስለዚህ እኛ የጋዜጣዊ መግለጫ ጋዜጠኛ ነን፡፡ የምርመራ ዘገባ ስልቶች የሉም፡፡ ሲል ይጠቅሳል፡፡
እኛ የዜና ተቀባይ ሳጥን ጋዜጠኛ እንጅ ተጓዥ መንገደኛ አይደለንም፡፡ የሚለው ሌላው አሰተያየት ሰጭ – በተለምዶ ዜናዎቹ ናቸው ወደኛ እየመጡ ያሉት እኛ ወደዜናዎች ሂደን አናውቅም። ዜናዎች ወደኛ የሚመጡት ደግሞ በመጡበት አግባብ መስተናገድ ስለሚፈልጉ ነው። ይህን አቅጣጫ የሰጠን መንግስት ነው ይላል።
እያንዳንዱ ጋዜጠኛ /ከዋና – አዘጋጁ እስከ ሪፖርተሩ/ የራሱ የወሬ ምንጮች፣ /ቲፕ የሚሰጠንና መረጃ የሚያቀብሉ/ ሊኖሩት ይገባል። ከሚኒስትሩ እስከ በር ጥበቃው ድረስ /በተለምዶ በጋዜጠኝነት ት/ቤቶች እንደሚባለው ወዳጆቹ ሆነው የጥቆማና “ይህቺንስ ሰምተሃታል?” ብለው የሚያዋሩት ሰዎች ግንኙነት መመስረት በፍርሃት መመስረት አልቻለም። ስለዚህም ዜናን ቁጭ ብሎ ከመጠበቅ ዜናውን ማደን፣ መቆፈርና አሽትቶ ወደ መፈለግ አልተሻገረም። ተቋማዊ ህልውና ወይም መለያ የሚመሠረተው ተቋሙ ትርጉም ያላቸው ትኩስ፣ ሚዛናዊ፣ እውነታና የሚጣፍጡ ዜናዎች ማቅረብ ሲችል ብቻ ነው። የማይጣፍጥ ዜና ማንም አይቀምሰውም። ጣፋጩን ዜና ለማምረት “ዜናን የማደን” ወይም “የማሽተት” ተግባር የሁሉም ጋዜጠኛ መለኪያ፣ መገምገሚያ ይሆናል። ወደ ዜና መሄድ የዜናዎቻችንም የአቀራረብ ድምፀት ይለውጠዋል።
የዜናችን አፃፃፍ መለወጥ፦ ዜናችን በችኮ ቃላት፣ በፖለቲካ ጃርገን፣ በ”ብለዋል” ፣ በ”አሳውቀዋል”፣ በ”ገልፀዋል” እና “አመልክተዋል” ገለፃዎች የተሞሉ ናቸው። አፃፃፉ አይስብም። የሚሰማው የአንድ ወገን /የአንድ ተቋም ወይም ዘርፍ/ ድምፅ ነው። ይህ ድምፅ ደግሞ ያው “የተለምዶ” ነው በሚል ተመልካች – አድማጭ አይይዝም።
የወቅቱ ጠቅላይ ሚንስትር የሽለመው ማንነው ካልን ሚዲያዎችን ሳይሆን ራሱን ነው፡፡ ብለን እንደመድማለን፡፡
<strong>በወርቅ ታሪክ ዙሪያ ያለው ምሥጢር</strong>
Compiled by : Ayele Addis Ambelu ወርቅ—እምብዛም ጥንካሬ የሌለውና ደመቅ ያለ ቢጫ ቀለም ያለው ብረት ነው። ይህ ብረት ልዩ ባሕርያት ያሉት በመሆኑ ከጥንት ጀምሮ ተፈላጊ ሆኖ ኖሯል። ቀለሙ፣ መብለጭለጩ፣ በተፈለገው ቅርጽ ሊስተካከል የሚችል መሆኑና ዝገትን መቋቋም መቻሉ ከሌሎች የብረት ዓይነቶች ልዩ ያደርገዋል። በፈላጊዎቹ ዘንድ የተሰጠው ከፍተኛ ግምት ከሌሎች ብረቶች ለየት ያለ ታሪክ እንዲኖረው አድርጎታል። “ወርቅ! […]