የሲቪል ማህበረሰብ ድርጅቶች መጪው የምርጫ ሂደት ሁሉን ያካተተ፣ ሕጋዊ፣ ግልጽ እና ተዓማኒ እንዲሆን በማረጋገጥ ረገድ ያላቸውን ከፍተኛ ሚና የኢትዮጵያ ብሔራዊ ምርጫ ቦርድ ገለጸ።
የዘንድሮ ጠቅላላ ምርጫ በግንቦት/ሰኔ ወር ይጀመራል ተብሎ ይጠበቃል። 7ኛው የኢትዮጵያ አጠቃላይ ምርጫ እየተቃረበ በመምጣቱ፣ ሲቪል ማህበረሰብ ድርጅቶች ዝግጅት፣ ዝግጁነት፣ ማነቆዎች እና ዕድሎች ላይ ያተኮረ የውይይት መድረክ በአዲስ አበባ ተካሂዷል።
የሲቪል ማህበረሰብ ድርጅቶች በዚህ ሂደት ውስጥ በንቃት መሳተፍ ወሳኝ ነው። ምርጫ የዜጎች መሠረታዊ መብት ሲሆን፣ ሲቪል ማህበረሰብ ድርጅቶች ዲሞክራሲያዊ አሠራሮችን በማጎልበት ረገድ ወሳኝ ሚና ይጫወታሉ። የኢትዮጵያ ሲቪል ማህበረሰብ ድርጅቶች ምክር ቤት የኢትዮጵያ የሲቪል ማህበራት ድርጅቶች ኅብረት ለምርጫ ጋር በመተባበር በብሔራዊ ዲሞክራቲክ ኢንስቲትዩት ድጋፍ የፓናል ውይይት አካሂዷል። ምክር ቤቱ፣ የሲቪል ማህበርፈሰብ ዘርፉን እንዲያስተባብር በተሰጠው ሀላፊነት መሰረት፣ ይህንን ተልዕኮ ለመፈጸም ከተለያዩ አጋሮች ጋር በንቃት ሲተባበር ቆይቷል።
ለምርጫ ሂደቱ ምቹ ሁኔታ እንዲፈጠር እና ሲቪል ማኅበራት ፕሮግራሞቻቸውን በውጤታማነት እና በብቃት እንዲያስፈጽሙ ለማረጋገጥ፣ የፓናል ውይይቱ የሚከተሉትን ዓላማዎች ለማሳካት ያለመ ነበር፦
• ሲቪል ማህበረሰብ ድርጅቶች መጪውን ምርጫ አስመልክቶ ያላቸውን የዝግጁነት እና የቅድመ ዝግጅት ደረጃ መገምገም
• ሲቪል ማህበረሰብ ድርጅቶች በዝግጅታቸው ወቅት ያጋጠሟቸውን ማነቆዎች መለየት
• ለሚመለከታቸው አካላት ተግባራዊ ምክረ ሃሳቦችን ማቅረብ፦
o ለኢትዮጵያ ብሔራዊ ምርጫ ቦርድ
o ለሲቪል ማህበረሰብ ድርጅቶች ባለስልጣን
o ለዓለም አቀፍ አጋሮች
o ለኢትዮጵያ ሲቪል ማህበረሰብ ድርጅቶች ምክር ቤት እና ሌሎች የሲቪል ማህበረሰብ ድርጅቶች
የኢትዮጵያ ብሔራዊ ምርጫ ቦርድ ምክትል ሰብሳቢ የሆኑት አቶ ተስፋዬ ነዋይ “የምርጫ ሂደቱ እንዲሳካ ከሚያደርጉ ነገሮች የተለያዩ ባለድርሻ አካላት የሚጠበቅባቸውን መወጣት ሲችሉ ብቻ ነው፡፡ የምርጫ ሂደቱ የኢትዮጵያ ብሔራዊ ምርጫ ቦርድ ብቻ የሚሰራው ሳይሆን የሲቪል ማህበረሰብ ድርጅቶች ተሳትፎ የሚታይበትና የህግ የበላይነት መስፈኑ የሚንፀባረቅበት ነው።” አክለውም “እንደ ኢትዮጵያ የሕግና የፍትሕ ሥርዓት መሰረት የሲቪል ማህበረሰብ የምርጫ ሂደቱ ሁሉን ያካተተ፣ ሕጋዊ፣ ግልጽ እና ተዓማኒ እንዲሆን በማረጋገጥ ረገድ ትልቅ ሚና ያላቸው ሲሆን፣ የመራጮች ትምህርት፣ የዜጎች ተሳትፎ ላይ መስራት ይጠበቅባቸዋል” ብለዋል፡፡
እዚህ አዲስ አበባ የተካሄደው ውይይት ለባለድርሻ አካላት/ተሳታፊዎች እና ለፓናል አቅራቢዎች የሚከተሉትን ለማድረግ መድረክ ፈጥሯል፦
•ሲቪል ማህበረሰብ ድርጅቶች ለመጪው ምርጫ ያላቸውን የዝግጁነት ደረጃ መገምገም
•በምርጫ ሂደት ውስጥ ውጤታማ ዝግጅት እና ተሳትፎን የሚገቱ መሰናክሎችን መለየት
•የሲቪል ማህበረሰብ ድርጅቶችን ተሳትፎ ለማሳደግ እና ከባለድርሻ አካላት ድጋፍ እንዲያገኙ የሚያስችሉ ምክረ ሀሳቦችን ማዘጋጀት
•ይህንን መድረክ በመደበኛነት በማካሄድ ሲቪል ማህበረሰብ ድርጅቶች፣ በመንግሥት አካላት እና በአለም አቀፍ አጋሮች መካከል ያለውን ትብብር ማሳደግ
የኢትዮጵያ ሲቪል ማህበረሰብ ድርጅቶች ምክር ቤት ዋና ዳይሬክተር አቶ ተረፈ ደጌቲ በመድረኩ ባስተላለፉት መልዕክታቸው፣ ሲቪል ማህበረሰብ ድርጅቶች ዲሞክራሲን በመገንባት ረገድ ትልቅ ሚና ይጫወታሉ፤ ለትርፍ ወይም ለሥልጣን ሳይሆን ለሚወክሏቸው ማኅበረሰቦች ጥቅም ይሠራሉ” ብለዋል። በተጨማሪም፣ “ማኅበረሰቡ መረጃ እንዲኖረው እና ግንዛቤ እንዲያገኝ እንዲሁም በሂደቱ ውስጥ ግልጽነትና ተጠያቂነት እንዲረጋገጥ ሲቪል ማህበረሰብ ድርጅቶች ይረዳሉ”ብለዋል።

በዕለቱ የፓናል ውይይቱ አቅራቢዎች፣ ሲቪል ማህበረሰብ ድርጅቶች ከዝግጅት ወደ መጪው የምርጫ ሂደት ውጤታማ ተሳትፎ በተሳካ ሁኔታ ለመሸጋገር የሚያስችል አመቺ ምህዳር መፈጠሩ መሠረታዊ መስፈርት እንደሆነ አስምረውበታል።
የብሔራዊ ዲሞክራቲክ ኢንስቲትዩት (NDI) በኢትዮጵያ ዳይሬክተር የሆኑት ዶ/ር ፍራንክሊን ኦዱሮ፣ “የሲቪል ማኅበረሰቡ በመጪው ምርጫ ያለው ሚና አይቀሬ ነው” ብለዋል። “የሲቪል ማኅበረሰብ በፖለቲካው ሂደት በብዛት መሳተፉ የፖለቲካ ማኅበረሰብ ዘላቂነት እንዲኖረው የሚፈለግ ነው” ሲሉም በድጋሚ ተናግረዋል።

በቀጣይም ምርጫ ጋር በተያያዘ ተመሳሳይ መድረኮች ለማዘጋጀት ታቅዷል።
የአርታኢ ማስታወሻ – ስለ አዘጋጆቹ
ስለ ኢትዮጵያ ሲቪል ማህበረሰብ ድርጅቶች ምክር ቤት
የኢትዮጵያ ሲቪል ማህበረሰብ ድርጅቶች ምክር ቤት በአዋጅ ቁጥር 1113/2011 አንቀጽ 85 መሠረት የተቋቋመ ገለልተኛ ተቋም ነው። ምክር ቤቱ በኢትዮጵያ ውስጥ በሲቪል ማኅበረሰቡ ዘርፍ ስም የመሥራት ሥልጣን ተሰጥቶታል። በአሁኑ ጊዜ ከ5,300 በላይ ሲቪል ማህበረሰብ ድርጅቶች የምክር ቤቱ አባላት ናቸው። ለመረጃ፦ +251970317032 | info@ecsoc.net
ስለ የኢትዮጵያ የሲቪል ማኅበራት ድርጅቶች ኅብረት ለምርጫ
የኢትዮጵያ ሲቪል ማህበራት ድርጅቶች ኅብረት ለምርጫ የተቋቋመው እ.ኤ.አ. በ2019 ሲሆን፣ ዓላማውም የኢትዮጵያ ሲቪል ማኅበራት በምርጫ ምልከታ – ክትትል፣ የምርጫ አስመዝጋቢ ትምህርት እና ከምርጫ በኋላ የሚከሰቱ ግጭቶችን መከላከል ላይ ያላቸውን ሚና ለማሳደግና ለማስተባበር ነው። ከተቋቋመ በኋላ ኅብረቱ በተመሳሳይ ዓመት በተካሄደው የሲዳማ ሕዝበ ውሳኔ ላይ በሥርዓት በመታዘብ በአገሪቱ የሲቪል ማህበረሰብ ዘርፍ ውስጥ አዲስ ምዕራፍ ከፍቷል። በዚህ ልምድ ላይ በመመሥረት፣ በ6ኛው የኢትዮጵያ አጠቃላይ ምርጫ ወቅት ኅብረቱ የኢትዮጵያ ሲቪል

800 አይነት የመንግስት አገልግሎቶች ወደ ዲጅታል ተቀየሩ
DPIJournalism #DPIFellows2025 For the CIPESA DPI Journalism Fellowship, Eastern Africa By Ayele Addis የተገልጋዮችን እንግልት ለመቀነስም 800 አይነት የመንግስት አገልግሎቶች ወደ ዲጅታል መቀየራቸውን ገልፀዋል፡፡ዜጎች እስከ መጋቢት 30 ቀን 2018 ዓመተ ምህረት ድረስ የባንክ ሂሳባቸውን ከፋይዳ ዲጅታል መታወቂያ ጋር እንዲያስተሳስሩ ብሔራዊ ባንክ ከሰሞኑን ጥሪ ማቅረቡ አይዘነጋም፡፡ ኢትዮጵያ ለእያንዳንዱ ዜጋ ደህንነቱ የተጠበቀ፣ እምነት የሚጣልበት እና ሁሉን አቀፍ […]