AI ወይንም ሰው ሰራሽ አስተውሎት ( Artificial Intelligence ) ማለት የሰዎችን የማሰብ አቅም በኮምፒዩተር በማዳበር ለቴክኖሎጂ ምርቶች መስጠት ማለት ነው። ለምሳሌ ቤት የሚጠርጉ ሮቦቶች ፣ በራሳቸው የሚነዱ መኪኖች ፣ ለጦርነት የሚውሉ መሳሪያዎች ፣ የጥበቃ ካሜራዎች የመሳሰሉት በልምምድ ከበለፀጉ በኃላ በፍጥነትና በጥራት የተሰጣቸውን ስራ መስራታቸው ልዩ ያደርጋቸዋል።
ፕሮፌሰር ሄኖክ አረጋ በፌስ ቡክ ገፁ የሰው ሰራሽ አስተውሎትን ጉዳይ ለማብራራት የቴክኖለጀውን ርቀት ከቻትጀፒቲ ይጀምራል፡፡ ቻትጂፒቲ ማለት ታድያ ፅሁፍን መሰረት በማድረግ በቻት ልክ ፌስቡክ ላይ ከሰዎች ጋር መልእክት እንደምንፃፃፈው የድህረገፅ ላይ የፅሁፍ ሮቦት ማለት ስንችል ማንኛውም ነገር ብናወራው ፣ ብናማክረው ስራ ብንሰጠው በፅሁፍ ልክ እንደሰው እንደዚ አድርጉ እንደዛ አድርጉ የሚለን ነው። ታድያ እኔ ለምን ከዳውት?
ከቻትጂፒቲ ወደ BARD የጎግል ምርት ፊቴን አዙሬ መፃፃፍ የጀመርኩት ባርድ ብዙ መረጃዎችን ከድሮም ከአዲስም በዛ ላይ እንደጓደኛ አልፎ የድሮ ታሪኮችን ሳይቀር ከማወቁ ባሻገር ሙሉበሙሉ በነፃ መሆኑ ነበር።
ለዛሬ በጣም ይጠቅማሉ ያልኳቸው AI ብትጠቀሟቸውም ህይወት ያቀላሉ የምላቸውን ምርጥ 5 እነሆ
1) ABBY FineReader
በእጅ የተፃፈ ዶክመንቶችን በኮምፒዩተር መፃፍ አድካሚ እና እጅግ አሰልቺ ነው። ይህንን የሚያቀልልን እንዲፃፍ የፈለግነውን ፅሁፍ ፎቶ አንስቶ በመስጠት ወደ ፅሁፍ ይቀይርልናል።በተለይ ማመልከቻ እና ደብዳቤዎች መፃፍ የደከማቹ
2)LinkedIN Resume Assistant
ይሄኛው ደግሞ ስራ ለመቀጠር አሪፍ CV መፃፍ ካደከማቹ ነው የማትችሉ ከሆነ በዚህ AI በፍጥነት ማዘጋጀት ይችላል።
3)Grammarly
ይሄኛው ደግሞ ማንኛውንም እንግሊዘኛ ፅፈን ስንሰጠው ሰዋሰዉን (Grammar ) ክፍሉን ፅድት አድርጎ በማስተካከል እንግሊዘኛችንን ያርመናል መስሪያ ቤት እንግሊዘኛ መፃፍ ለተቸገራቹ እጅግ ይጠቅማል።
4)Remini
ይህ ደግሞ ቤታችን ተበላሽቶ የተቀመጠ አሊያም የማይታይ የቤተሰብ ፎቶን ጥራቱን በመጨመር ፅድት የሚያደርግልን ሲሆን ይህ በተለየ የተቆረጠ የተጨማደደ ፎቶ ይዘው ለሚዞሩት አሪፍAI ነው።
5)Docalysis
ይህ ደግሞ የሰጠነውን ዶክመንት 100 1000 2000 50 ገፅ ይሁን በ1 ደቂቃ ውስጥ አንብቦ ጨርሶ የፈለግነውን ጥያቄ ብንጠይቀው ይመልሳል ፣ እንዲሁም ማጠቃለያዎችን እና ሪሰርቾችን ከአንድ መፅሃፍ ላይ ይሰራል።
ጥቂት ስለ ጎግል Bard ልበላችሁ ባርድ ውስጥ ገብታችሁ
– ደብዳቤ ለእንትና ፃፍልኝ መስሪያቤቱ ስም እንትን ነው ብትሉት ….ችክችክ
– ፊልም ንገረኝ እስኪ ሃያ የሆረር ፊልሞች ብትሉ ….ድርድር
– እስኪ የሙዚቃ ግጥም ፃፍልኝ ብትሉ ….ፃፍፃፍ
– ይሄ አሳይመንት ጥያቄ አስቸገረኝ …ሰራሰራ
– እንዲህ ገጠመኝ ስጭነው ምን ላርግ …መከርመከር
ፍቅረኛዬ ቺት አደረገብኝ ብትሉት ይሄን ያመጣል የምሬን ነው
“I’m so sorry to hear that your girlfriend cheated on you. That must be incredibly painful and confusing. Please know that you’re not alone in this, and there are people who care about you and want to support you through this.”
“እጅግ አዝናለው የሴት ፍቅረኛህ ቺት በማድረጓ ይህ ፍፁም የሚያሳምም እና ግራ የሚያጋባ ነው። እባክህን ብቻህን እንዳልሆነ እወቅ እሺ ስላንተ የሚጨነቁ አንተን የሚደግፉ ሰዎች አሉ”
አያችሁ ባርድ (Bard) እንዲህ ነው ሚለው ወንድሜ ያእቆብ ተነሳ… እህቴ የሽ ተነሽ ደውል ተደወለ ቴክኖሎጂን ተጠቀሙ ህይወትን አቅልሉ ያኔ የትኛውም ባንተ ላይ ቺት አያደርግም ኪስም ጭንቅላትም ሞልቷልና!
ለማንኛው በአርቴፊሻል ኢንተለጀንስ እንዴት ፎቶ ይቀናበራል፡፡ በAI ወይንም ሰው ሰራሽ አስተውሎት ( Artificial Intelligence ) የተነሳን ፎቶ እንዴት እናጣራለን የሚለውን እንመለስበታለን፡፡ እናንተም ሃሳብ ካላችሁ ጨምሩበት፡፡ ስለዜና አንባቢዎች ሰው ሰራሽ አስተውሎት ( Artificial Intelligence ) አንድ ቀን እናወራበታለን፡፡

The role of Chat GPT for Fake Information dissemination ቻትጂፒቲ እና ሐሰተኛ መረጃ
አስቡበት ፣ ቻትጂፒቲ ለሚጠየቀው ጥያቄ አብራርቶ የሚሰጠን የፅሁፍ መረጃ ሁሉ እውነተኛ አይደለም፡፡ ቻትጂፒቲ በጣም ስህተት ያለበት እና ውሸት የሆነ ነገርንም አቀናብሮ ፣ አሳምሮ ይሰጠናል። በዚህም ሃሰተኛ መረጃን ያስፋፋል፡፡ ጥቅም እንዳለው ጉዳቱንም እንመልከተው፡፡ቻትጂፒቲ መረጃውን የሚሰበስበው ኢንተርኔት ላይ ያሉ ዳታዎችን በሙሉ ሰብስቦ፣ አብላልቶ ነው፡፡ ሌላ በራሱ የሚያጣራበት የሰበዓዊነት ህልወት የለውም፡፡ ኢንተርኔት ላይ ያለ ዳታ ሁሉ ጥሩ ደግሞ […]