አስቡበት ፣ ቻትጂፒቲ ለሚጠየቀው ጥያቄ አብራርቶ የሚሰጠን የፅሁፍ መረጃ ሁሉ እውነተኛ አይደለም፡፡ ቻትጂፒቲ በጣም ስህተት ያለበት እና ውሸት የሆነ ነገርንም አቀናብሮ ፣ አሳምሮ ይሰጠናል። በዚህም ሃሰተኛ መረጃን ያስፋፋል፡፡ ጥቅም እንዳለው ጉዳቱንም እንመልከተው፡፡
ቻትጂፒቲ መረጃውን የሚሰበስበው ኢንተርኔት ላይ ያሉ ዳታዎችን በሙሉ ሰብስቦ፣ አብላልቶ ነው፡፡ ሌላ በራሱ የሚያጣራበት የሰበዓዊነት ህልወት የለውም፡፡ ኢንተርኔት ላይ ያለ ዳታ ሁሉ ጥሩ ደግሞ ትክክለኛ አይደለም፡፡ በጣም ያልተጣራ ብዙ መረጃ አለ።
በኢንተርኔት ላይ ያለውን የጥላቻ ንግግር፣ የሀሰተኛ መረጃ፣ የመረጃ ብክልት፣ የመረጃ ማሳሳት ፣ ፕሮፓጋንዳ፣ ዘረኝነት፣ የጾታ አድሎ፣ እና ጥላቻን የሚሰብኩ ጽሁፎች እንደሚገኙ በመጥቀስ፣ እነዚህን ሁሉ ሰብስቦ ለሚጠየቀው ጥያቄ ሳያጣራ በጽሁፍ ምላሹን ያቀርባል።
ስለዚህ ከአዲስ መገለገያ [ቻትጂፒቲ] የሚገኝን መረጃ ሁሉ እያጣሩ መውሰድ ተገቢ ነው። ለዚህም ሚዲያ ሌትሬሲ ትምህርት media literacy and fact checking በጣም አስፈላጊ ነው፡፡
በቢቢሲ የወጣው ዘገባ እንደሚያሳያው በጽሁፍ የሚሰጠው ምላሽ አንድ ተመራማሪ በአግባቡ ሰንዶ እንደሚያቀርበው ያለ ስራ ነው ፡፡ ተጠቃሚው ምርምር አድርጎ፣ አብላለቶ ማግኘት ያለበትን መረጃ ቻርትጂፒቲ በአጭር ጊዜው ውስጥ አጠናቅሮ መስጠቱ አንዱ ጥቅም ነው።
ፕሮፌሰር ስቲቭ ፒንከር ደግሞ ስጋት እንዲገባን የሚያደርገው ሐሰተኛ ዜና በከፍተኛ ሁኔታ እንዳይፈበረክ በማሰብ ነው ይላሉ። ለዚህ ግን መፍትሄው የመከላከያ እና የተጠየቅ መንገዶችን ማዳበር ነው ሲሉ ይመክራሉ።
ይህ ብቻ ሳይሆን የቻትጂፒቲ የሥራ ውጤቶችን ሁሉ እንደ መጨረሻ ውጤት መቀበልንም መጀመራችንም ሊያሰጋን ይገባል ይላሉ።
ምክንያቱም ይላሉ ፕሮፌሰር ስቲቭ፣ “ምንም ዓይነት የሚጨበጥ እውነታ እና እውነታን የማሳየት ግብ እንዲሁም ውይይትን እና ንግግርን የማስቀጠል ግብ የለውም” ይላሉ።
ከዚህም ባሻገር ረብየለሽ ነገሮችንም ሊፈጥር እና ሊያሰራጭ እንደሚችል አመልከተዋል።
ሐሰተኛ መረጃ በማሰረጨትም ረገድ የራሱን ሚና ሊጫወት ይችላል የምትለው ለቢቢሲ ሃሳቧን ያጋራችው ብርሃን፣ ከቻትጂፒቲ የሚገኘው መረጃ ሁሉ በንቁ ዐይኖች / fact checking / መጣራት እንደሚኖርበት ትመክራለች።
ለምሳሌ ምርጥ 10 ትምህርት ቤቶችን ስጠኝ ብትሉት የሚመረኮዘው ምርጥ ናቸው ተብለው የተዘረዘሩ ተቋማትን በመሆኑ ከሰጣችሁ አሰር ተቋማት ውስጥ ብታጣሩ አምስቱ በምድር ላይ የሌሎ ፌክ መረጃ ይዘው የወጡ ተቋማት ሊሆኑ ይቻላል፡፡ በሃሰተኛ መረጃ የተመሰረቱ ፣ ራሳቸውን በሃሰተኛ መረጃ ጥሩ ነን ብለወ በፃፉት መረጃ የተገኙ አልያም ፣ ምድር ላይ የሌሉ በመረጃ ማሳሳት የተፈጠሩ ሊሆኑ ይችላሉ፡፡ለዚህም ነው፡፡ ማጣራት ፣ የሚዲያ ሌትሬስ ትምህርት ወሳኝ የሚሆነው፡፡

<a href="https://www.facebook.com/profile.php?id=61550238885521&__cft__[0]=AZVDdwfxlA4sZViIj4izMSsDZyYXMcw_V4ANA5pmGNsDdNpNsSzfrSaUAs2XCaYE0h3abPHIEfEPo86wgtyeWfGrMemZS9wJn5ahhPPKEQ2IPciP8iVsuupYiabxzTUOjpC2UQGkq7MAsOhDiAVemvtGm0WmnpBY1JZRjxOsRdPPQ7cKb5PhLbJY64zJt-7d31U&__tn__=-UC%2CP-y-R"><strong>የፕሬስ መረጃ ማጣሪያ</strong></a>
በአማራ ብሔራዊ ንቅናቄ (አብን) ማህበራዊ ገጽ የተሰራጨው መረጃ ሀሰተኛ ነውኢትዮጵያ ከሶማሌላንድ ጋር ያደረገችውን ስምምነት ተከትሎ፤ አብን ስምምነቱን እንደሚቃወም በመጥቀስና ስምምነቱን ሌላ ትርጉም በመስጠት በሃሰተኛ የአብን የትዊተር ገጽ ላይ መረጃ ተሰራጭቷል።ይህንን መረጃ በተመለከተ የኢፕድ የመረጃ ማጣሪያ ጉዳዩን ለማጣራት ጥረት አድርጓል።በዚህም መሰረት በአብን ስም በሃሰት በተከፈተው የትዊተር ገጽ ላይ የተሰራጨው መረጃ በፓርቲው ያልወጣና ፓርቲውም የማያውቀው መሆኑን የፓርቲው […]